आसुरी, तामसी भाव विश्व्यापी भए पछि

धर्मको नाममा सारा काटमार भए पछि

सृष्टिको भित्रको ईश सत्य तत्व छिपे पछि

ज्ञान-विज्ञान आफैमा विपरित भए पछि

परास्त हुन्छु हे शम्भो ! कसरी सत्यमा पुगूँ !

ईश तत्व म भित्रै रे ! कसरी ब्रह्म त्यो चुमू ?

युगानु युग ब्युँझाई तमान्धबाट ज्योतिमा

कखरा युगका नव्य बर्णमाला नयाँनयाँ

देखाएर , चिनाएर सत्यधर्म सनातन

मान्छे आफैं अहं ब्रह्म शान्त, शालीन, उत्तम

करुणा, प्रेम, सद्भाव बहाउँछ जहाँतहाँ

मानवी ईशको तत्व भित्र हुन्छ जनार्दन ।

कल्पना स्वस्थ जप्दै र प्रतिभा तीब्र लाउँदै

समष्टि सृष्टिको भित्र व्यष्टिको तत्व पाउँदै

परमाणु छ चम्केको, ‘क्वान्टम’ भन्दछन् यिनी

 म्कार बीज छुट्याई अथवा ऐक्य हेरूँ म 

नाद निनाद वा श्वास, प्रश्वास, दिल धड्कन

आलोकप्रतिको चेत, चेतनाको प्रकाशमा

कति गम्भीर नै छू म ? भित्र भित्रै उदाउन !

आँखा चिम्लिएको अन्ध—प्रकाश भित्र हेरूँ म

भौतिकी यन्त्र भित्रैमा देखी, छामी, विचारूँ म

अध्यात्म ज्योति बालेर सम्वेदनात्म बालूँ त्यो

मानवी दिव्यता भित्र झल्किने भाव ईश हो !